Robért zoylik: xitayda bir partiye diktatorliqi uzun'gha barmaydu


2005-09-22
Share

Amérikining mu'awin tashqi ishlar ministiri robért zoylik charshenbe küni xitay - amérika munasiwetler komitétida söz qilip, xitayni démokratiye yolida méngishqa chaqirdighan hemde nöwettiki bir partiye diktatorluq tüzümining uzun - muddetkiche dawamlashmaydighanliqini tekitligen.

Zoylik, xitay - amérika munasiwetliridiki ijabiy we selbiy amillarni tilgha élish bilen birge, xitay da'irilirini siyasiy tüzülme islahati élip bérip, démokratiyige köchüshke chaqirdi. U, " siyasiy tüzülmidiki békinmichilik xitay jem'iyitining menggülük alahidiliki bolalmaydu, hette buni uzun'ghiche dawamlashturghili bolmaydu" deydu. Zoylikning tekitlishiche, xitayda siyasi özgirish élip bérip, da'irilerning xelq aldidiki mes'uliyet we mejburiyitini ada qilishi kérek iken.

Zoylik sözide yene, "xitay kompartiyisining hökümranliqi, memliket ichidiki her xil riqabetlerni toghra bir terep qilalmaywatidu" dédi. U, iqtisadi tereqqiyat we milletchilikni kücheytip, hökümranliqini mustehkemleshke ishinidighan kompartiye rehberlirining "xeterge tewekkül qilish we xataliq ötküzüsh" basquchida kétiwatqanliqini agahlandurdi.

Xitay - amérika munasiwetlirini dunyadiki eng murekkep munasiwet dep teripligen zoylik, "eger amérikining xitay bilen bolghan soda qizil reqimi azaytilmisa, amérika xitaygha imbargo qoyushni oylishidu" dep körsetti. Bu yuqiri derijilik bir amérika emeldarining xitay - amérika munasiwetliri toghrisida tunji qétim ibarisi éghir sözlerni qollinishidur. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet