Watikan , xitay da'irilirini katoliklargha ziyankeshlik qilish bilen eyiblidi


2004.09.12
Share on WhatsApp
Share on WhatsApp

Rim watikani shenbe küni bayanat élan qilip , xitay hökümitining katolik dinidiki zatlarni memliket boyiche chekligenliki, kishilik hoquqqa qilin'ghan éghir derijidiki buzghunchiliq dep körsetti.

Fransiye axbarat agéntliqi neqil keltürgen watikan bayanatchisining sözide , watikanning bu yil 8 - aylarda xitaydiki katolik épiskoplar we katolik muxlislarni qolgha élish weqesidin xewer tapqanliqini eskertip , eger bu toghra bolghan teqdirde watikan diniy étiqad hoquqigha éghir derijide buzghunchiliq qilish weqesige duch kelmekte dégenliktur , diniy étiqad hoquqimu asasi kishilik hoquqning bir qisimi dep tekitligen . Watikan , xitay hökümitidin qolgha élin'ghan katolik épiskoplar we katolik muxlislarni derhal qoyuwétishni telep qilip , katolik muxlislarning diniy ibadet pa'aliyiti bilen shughullinishigha yol qoyushni telep qilghan .

Watikan bayanatchisi jawkyun nawaro- walsning bildürüshiche , xitay jama'et xewpsizlik da'iriliri bu yil 8 - ayda xébéyning bawding rayonida 10 neper katolikni qolgha élip , ularning ikkisini emgek bilen özgertish lagérigha yollighan . 9 - Ayning bashlirida 23 neper katolik muriti tutqun'gha uchrighan . Watikan bayanatchisi fujowdimu katoliklarni qolgha élin'ghanliqini ilgiri sürmekte . Xitayning watikan bilen bolghan diplomatik munasiwiti 1951 - yili üzülgen idi . Eyni chaghda xitay hökümiti watikanning xitaydiki katolik chérkawlargha épiskop teyinlishini ret qilghan idi . Bu mesile watikan bilen xitayning diplomatik munasiwet ornitishigha hazirmu tosalghu bolmaqta . (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.