Amérika xelq'ara diniy erkinlik komitéti doklatida xitayni eyiblidi


2006.05.03

Amérikining xelq'ara diniy erkinlik komitéti 3‏- may küni 2006‏- yilliq doklatini élan qilip, xitayni diniy erkinlikni éghir derijide depsende qilghan döletlerning qatarigha kirgüzdi.

Mezkur komitét doklatida, se'udiy erebistan, xitay, shimaliy koriye, sudan, iran, pakistan, özbékistan we türkmenistan qatarliq döletlerni alahide endishe qilidighan döletler qatarigha kirgüzdi hemde ötken yilimu bu tizimlikte bolghan xitay qatarliq döletlerning ötken bir yildin buyan diniy erkinlik jehette héchqandaq ilgirilesh hasil qilmighanliqini körsetti.

Xelq'ara diniy erkinlik komitétining doklatida yene, xitay hökümitining xitaydiki her qaysi diniy jem'iyetlerni küchlük kontrol qilidighanliqi, shundaqla tibet buddistliri, Uyghur musulmanliri, rim katolikliri we falun'gongchilarni türmige tashlap we ularni qiyin-qistaqlargha éliwatqanliqi körsitilgen.

Amérika xelq'ara diniy erkinlik komitéti 1998‏- yili qurulghan bolup, bu organ dunyadiki her qaysi döletlerde körülüwatqan kishilik hoquq depsendichiliklirini közitip turidu. Shundaqla ular amérika prézidénti, tashqi ishlar ministiri we dölet mejlisige musteqil siyaset tekliplirini sunidu. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.