Хитай һөкүмити дини әркинликкә йол қоймиса ақивәттә көп зиян тартиду


2006.11.21

Дуня христиан дини тәшкилатиниң башлиқи самул кобия сәйшәнбә күни хитайдики дини әркинлик мәсилиси һәққидә тохтилип, " хитай һөкүмити дини әркинликкә йол қоюши керәк, мушундақ қилғандила мәмликәт ичидә йүз бериватқан бир қисим иҗтимаий мәсилиләрниң алдини алғили болиду " дәп билдүрди.

У сөзидә йәнә "әгәр хитай һөкүмити дини затларға йетәрлик әркинлик бәрмисә, ақивәттә һөкүмәт өзи көп зиян тартиду" дәп көрсәтти.

Хәлқара кишилик һоқуқ тәшкилати вә шундақла америка явропа бирләшмиси йеқинда хитайдики католик попи вә тибәт раһибларниң һөкүмәт тәрипидин қолға елинғанлиқини мисал қилип, хитай һөкүмитини қаттиқ әйиблигән. Бу һәқтә берилгән мунасивәтлик хәвәрдә "динсиз хитай коммунистлири өткән йерим әсирдин буян диний әркинлик мәсилисини дөләт қануниға тақап туруп, пуқраларниң дени паалийәтлирини қаттиқ чәкләп кәлгән; хитайдики дини әркинлик пәқәт қанун чәклимиси ичидики әркинлик, буниң һечқандақ әһмийити йоқ " дәп көрситилгән. (Меһрибан)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.