Буш һөкүмити америка дөләт мәҗлисиниң диний әркинлик мәсилисидә хитайға имбарго қоюш бесимиға дуч кәлди

Буш һөкүмити америка дөләт мәҗлисиниң диний әркинлик мәсилисидә 7 йилдин бери америкиниң қара тизимликидин орун елип кәлгән хитайға имбарго қоюш тоғрисидики бесимиға дуч кәлди.

Америка дөләт мәҗлисиниң җумһурийәтчи авам палата әзаси кристофир симис, 1999 - йилдин бери америка ташқи ишларминистирлиқиниң диний әркинликкә бузғунчилиқ қилғучи дөләтләр қара тизимликидин орун елип келиватқан хитайға, ташқий ишларминистирлиқиниң һәрикәт қоллиниш вақти йетип кәлди, дәп көрсәтти.

Авам палатасиниң хәлқара мунасивәтләр комитити чақирған испат бериш йиғинида кристофир симис, америка ташқи ишларминистирлиқи хәлқара диний әркинлик ишханисиниң мудири стефен листондин " сиз хитайға имбарго қоюшни инчилик билән ойшиватамсиз? әгәр ойлашмиған болсиңиз буниң сәвәби немә? нөвәттә һәрикәт қоллинишниң әң яхши пәйтти. Биз һәрикәт қоллинишимиз керәк " дәп сориди. Симис " хитайда диний әркинлик вәзийити үзлүксиз еғирлишиватқанлиқини билдүрди вә йәр асти христан җәмийити рәһбәрлири шундақла мусулман уйғурлар , тибәт вә фалүнгоң муритлириниң җазалиниватқанлиқини әскәртти.

Испат бериш йиғинида стефен листон, хитайниң диний әркинлик хатирисини "интайин начар " дәп тәриплиди. Лекин у, " мениңчә бизниң охшимиған йоллар билән йәни дипломатик вә қанун даириси ичидә елип баралайдиған нурғун йоллиримиз бар "дәйду. У, хитайда диний мухлисларниң " түрмидә өлгәнлики вә әмгәк билән өзгәртиш лагирлирида тән җазаси һәм кәмситишкә учриғанлиқиға даир ишәнчлик мәлуматларға игә икәнликини билдүрди.

Крситофир симис, йиғинда буш һөкүмитиниң вейтнамни диний әркинликкә қарши дөләтләр " қара тизимлики" дин чиқиривәткәнликигә гуман билән қарайдиғанлиқини билдүрди. (Әркин)