Amérika xitayning diniy erkinlik ehwalini yene bir qétim tenqidlidi

Amérika xelq'ara diniy erkinlik kométitining mudiri filis gér xanim, charshenbe küni amérika dölet mejliside ötküzülgen ispat bérish yighinida, xitayda kishi'ik hoquq depsendichiliklirining éghir derijide mewjüt ikenlikini bildürdi.

Filis gér xanim amérika we yawrupa ittipaqini, xitaygha téximu qattiq bésim ishlitip, xitaydiki diniy erkinlik mesilisini yaxshilashqa chaqirdi.

Xitay tashqi ishlar ministirliqi peyshenbe küni, filis gér xanimning tenqidige inkas qayturup": xitay hökümiti qanun buyiche puqralarning diniy erkinlik étiqadini qoghdap kéliwatidu, xitay puqralirimu qanun buyiche özlirining diniy erkinlik hoquqliridin behrimen boluwatidu" dédi.

Biraq ötken 7 yildin béri, amérika xitayni diniy erkinlikni qattiq depsende qiliwatqan döletler qatarida sanap kelmekte.

Amérika xelq'ara diniy erkinlik komitéti 2005 ‏- yili xitaygha qaratqan tunji ziyaritide, xitay hökümitining diniy erkinlikni éghir derijide depsende qilish qilmishliri bilen kishilik hoquqqa munasiwetlik qilmishi'irini qattiq eyiblep, bu jehettiki mes'ulyetni öz üstige élishini telep qilghan idi.

Amérika dölet mejliside ötküzülgen ispat bérish yighinigha, xitay hökümiti ötken yili özbékistandin tutup ketken, hüsiyin jélilning ayali kamile xanim qatnashti. Kamile xanim érining gunahsiz ikenlikini we érining tézraq xitay türmisidin qutulup chiqishi üchün amérika hökümitining yardem körsitishini telep qildi. (Eqide)