Yaponiye bilen xitayning, özini öltürüwalghan diplomat üstidiki majirasi dawam qilmaqta


2006-01-01
Share

Özini öltürüwalghan yaponiye diplomati üstidiki majra yaponiye bilen xitay otturisida hazirghiche dawam qilmaqta. Yaponiye tashqi ishlar ministiri 1‏-noyabir yekshenbe küni bayanat élan qilip, xitay da'irilirining bu heqtiki mes'uliyetni üstige almighanliqini eyiblidi.

Yaponiye tashqi ishlar ministiri bayanatida, yaponiyining, xitay da'irilirining bu diplomatning özini öltüriwélishidiki sewebning xizmet bésimining éghirlighidin bolghan déyishige qarshi chiqidighanliqini éytip, "bu diplomatimizning özini öltürüwélish weqeside, biz ishinimizki, xitay bixeterlik xadimliri kishini epsuslanduridighan heriket qollandi" dep körsetken.

Yaponiye da'iriliri ötken hepte, shangxeydiki bir neper diplomatining bu yil 5‏-ayda yüz bergen özini öltürüwélish weqeside xitayni eyiblep, xitay axbarat orunliri bu kishini yaponiyige a'it mexpiy höjjetlerni bérishke qistighanliqi üchün, uning özini öltürüwalghanliqini bildürgen idi.

Emma xitayning yaponiyide turushluq elchixanisi 31‏- dékabir küni tor bétide bayanat élan qilip, yaponiye diplomatining özini öltürüwélish weqesidin kéyin, yaponiye bilen xitayning köp qétim bu heqte söhbetleshkenlikini hemde yaponiyining xitaygha bu diplomatning xizmet bésimi sewebidin mushundaq qilghan dep chüshendürgenlikini éytti.

Yaponiye da'irilirining éytishiche, bu diplomat ölüwélishtin burun qaldurghan xétide, ilgiri uning shangxeydiki bir kara ok naxshixanisidiki ayal mulazimetchi bilen bolghan munasiwiti sewebidin xitay hökümitining mushuni bahani qilip uninggha tehdit ishletkenlikini yazghan. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet