Disniy shirkiti xitayning metbu'at belgilimiliridin narazi bolmaqta

Xongkongda düshenbe küni yéngi disniy baghchisi échilghan bir peytte, wolit disniy shirkiti, xitay hökümiti disniyning programmlirini cheklimisiz halda téliwizorlarda qoyushqa yol qoymighiche, xitayda désniy baghchisi qurmaydighanliqini bildürdi.

Nyu york waqti gézitining xewirige qarighanda, désniy shirkitining bu qattiq pozitsiyisi chet'el uchur waste shirketlirining xitay hökümitining bu yil 8 - ayda chiqarghan chet'el uchur waste shirketlirining programmilirini cheklesh heqqidiki belgilimisidin narazi bolghanliqidin dérek béridiken.

Xitay medeniyet we teshwiqat ministirliqi yéngi belgilimiside, chet'elning tesirini azaytish üchün désniy qanaligha oxshash chet'el téliwizorlirining programmlirini chekligen. Hemde chet'el shirketlirining xitayda kino we téliwizor programmlirini ishlishini qiyinlashturghan idi.

Xewerge qarighanda, shangxey shehiri yéqinqi yillardin béri, désniy baghchisi échish yolida izdiniwatqan bolup, wolt désniy shirkiti bilen bu heqte köp qétim söhbet ötküzgen .

Emma désniy shirkitining re'isi robért igir bu heqte bergen bayanatida, "bizning shangxeyde désniy baghchisi qurushni oylishishimiz üchün, aldi bilen bizning programmilirimiz xitay télwizorlirida erkin qoyulushi kérek" dédi. (Arzu)