Amérika xitayning kishilik hoquq xatirisidiki meydanida ching turdi


2005.03.02
Share on WhatsApp
Share on WhatsApp

Xitay hökümiti amérika tashqi ishlar ministirliqining kishilik hoquq doklatini eyipligendin kéyin, amérika tashqi ishlar ministirliqi seyshenbe küni amérikining xitayning kishilik hoquq xatirisige bergen bahasida dawamliq ching turidighanliqini bildürdi.

Amérika tashqi ishlar ministirliqining mu'awin bayanatchisi adam ireli (Adam Ereli) muxbirlarni kütiwélish yighinida, amérikining kishilik hoquq mesilisidiki meydanining özgermeydighanliqini tekitlidi.

U yene, amérikining xitayning kishilik hoquq xatirisige köngül bölidighanliqini, shundaqla kishilik hoquq di'alogining amérika-xitay munasiwetlirini bir terep qilishta muhim rol oynaydighanliqini bildürdi.

Amérika tashqi ishlar ministirliqi düshenbe küni élan qilghan yilliq kishilik hoquq doklatida, xitayning kishilik hoquq xatirisini eyiblep, xitayning 2004 - yilidiki kishilik hoquq xatirisining kishini epsuslanduridighanliqini körsetken idi.

Buninggha qarita amérikida pa'aliyet élip bériwatqan amérika Uyghurliri birleshmisimu inkas qayturup, amérika tashqi ishlar ministirliqining, mezkur doklatta xitayning Uyghur élide élip bériwatqan kishilik hoquq depsendichiliklirini pash qilghanliqini qarshi aldi.

Amérika Uyghur birleshmisining re'isi nuri türkel, mezkur doklatning xitaygha bésim bolup, uning xelq'araliq kishilik hoquq ölchimige yétishige türtke bolushini ümid qilidighanliqini bildürdi. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.