خىتاي دۇنيادىكى ئاخبارات ئەركىنلىكى بولمىغان دۆلەتلەر قاتارىغا كىردى


2006-04-30
Share

باش شىتابى ۋاشىنگتوندىكى خەلقئارا تەشكىلات بولغان "ئەركىنلىك سارىيى" جۈمە كۈنى پۈتۈن دۇنيادىكى ئاخبارات ئەركىنلىك ئەھۋالى ئۈستىدە دوكلات چىقىرىپ، خىتاينى ئاخبارات ئەركىنلىكى بولمىغان دۆلەتلەر قاتارىغا كىرگۈزدى.

"ئەركىنلىك سارىيى" نىڭ 2005‏-يىللىق بۇ دوكلاتى دۇنيادىكى 194 دۆلەتنىڭ ئاخبارات ئەركىنلىك ئەھۋالىنى كۆزىتىش نەتىجىسىدە چىقىرىلغان. بۇلارنىڭ ئارىسىدا 73 دۆلەت ئاخبارات ئەركىنلىكى بار دۆلەتلەر قىلىپ كۆرسىتىلگەن بولۇپ، فىنلاندىيە 1‏- ئورۇندا، ئامېرىكا 22‏- ئورۇندا ۋە تەيۋەن 40‏- ئورۇنغا قويۇلغان.

خىتاي بولسا ئاخبارات ئەركىنلىكى بولمىغان دۆلەتلەر قاتارىغا كىرگۈزۈلۈپ 177‏- ئورۇنغا قويۇلغان. "ئەركىنلىك سارىيى" نىڭ بۇ دوكلاتىغا قارىتا خىتاي تەرەپ تېخى ئىنكاس قايتۇرمىدى. خىتاي بىلەن بىر قاتارغا قويۇلغان دۆلەتلەردىن يەنە، ئېفىئوپىيە، ئافغانىستان، رۇسىيە ۋە سىنگاپورلارمۇ بار. شۇنداقلا ئاخبارات ئەركىنلىكى ناچار تىزىملىكنىڭ ئەڭ ئارقىسىدىكى شىمالىي كورىيە بولغان. (پەرىدە)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت