Хитай дунядики ахбарат әркинлики болмиған дөләтләр қатариға кирди


2006-04-30
Share

Баш шитаби вашингтондики хәлқара тәшкилат болған "әркинлик сарийи" җүмә күни пүтүн дунядики ахбарат әркинлик әһвали үстидә доклат чиқирип, хитайни ахбарат әркинлики болмиған дөләтләр қатариға киргүзди.

"Әркинлик сарийи" ниң 2005‏-йиллиқ бу доклати дунядики 194 дөләтниң ахбарат әркинлик әһвалини көзитиш нәтиҗисидә чиқирилған. Буларниң арисида 73 дөләт ахбарат әркинлики бар дөләтләр қилип көрситилгән болуп, финландийә 1‏- орунда, америка 22‏- орунда вә тәйвән 40‏- орунға қоюлған.

Хитай болса ахбарат әркинлики болмиған дөләтләр қатариға киргүзүлүп 177‏- орунға қоюлған. "Әркинлик сарийи" ниң бу доклатиға қарита хитай тәрәп техи инкас қайтурмиди. Хитай билән бир қатарға қоюлған дөләтләрдин йәнә, ефиопийә, афғанистан, русийә вә сингапорларму бар. Шундақла ахбарат әркинлики начар тизимликниң әң арқисидики шималий корийә болған. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт