Amérika hökümiti 2006 ‏- yilliq xelq'ara kishilik hoquqi doklati élan qildi

2007-03-06
Élxet
Pikir
Share
Print

Seyshenbe küni amérika hökümiti 2006 ‏- yilliq xelq'ara kishilik hoquq mesilisi heqqide mexsus doklat élan qildi. Mezkur doklatta sudan, shimaliy koriye, iran, rosiye, la'us, kuba, pakistan we misir qatarliq döletlerdiki kishilik hoquq mesilisi otturigha qoyulush bilen bir waqitta, xitaydiki insan hoquqi mesilisimu alahide tekitlen'gen.

Amérika hökümitining xelq'ara insan hoquqi mesilisi heqqide élan qilghan bu yilqi doklatida, xitaydiki xelqning intérnét erkinliki we sözlesh erkinlikining zor derijide depsende qiliniwatqanliqi melum qilin'ghan. Mezkur doklatta yene, xitay hökümitining Uyghur élide Uyghur tilida neshr qilin'ghan tarixi kitablarni izchil halda yoqitip kéliwatqanliqi shundaqla qeshqer edebiyati zhurnilining tehriri köresh höseyin qatarliq Uyghur yazghuchilirini qolgha élip, ulargha qamaq jazasi bergenliki emeliy misallar arqiliq otturigha qoyulghan.

Amérikining bu qétimqi 2006 ‏- yilliq xelq'ara kishilik hoquq doklatida, xitay hökümitining intérnét tor betlirini kontrol qilishtiki bir qisim qilmishliri qattiq eyiblen'gen . Bolupmu erkin asiya radi'osi, amérika awazi radi'osi we b b s radi'osi qatarliqlarning Uyghurche we tibet tilida bériliwatqan programmilirining xitay da'iriliri teripidin qattiq tosuluwatqanliqi hetta mezkur radi'o tor betliriningmu xitay hökümiti teripidin qattiq kontrol qilinip kéliwatqanliqi alahide otturigha qoyulup, xitay hökümiti qattiq tenqidlen'gen. (Méhriban)

Pikirler (0)
Share
Toluq bet