Amérika béyjingni dölet mudapi'e xirajetliri heqqide ochuq- yoruq bolushqa chaqirdi

Amérika dölet mudapi'e ministiri donald ramisfild seyshenbe küni béyjingda, xitayning néme üchün herbiy xirajetlirini ashurush sür'itini mexpiy tutuwatqanliqi heqqide xitay rehberlirige so'al qoydi.

Fransiye axbarat agéntliqining xewirige qarighanda, u buni seyshenbe küni xitaygha qilghan sepirining tunji künide otturigha qoyghan. Donald ramisfild béyjinggha chüshüshi bilen muxbirlargha qilghan sözide, "qiziqarliq yéri, bashqa döletler béyjingning néme üchün herbiy xirajetni köplep östürüp turup, uni iqrar qilmaydighanliqini chüshinelmeywatidu" dédi.

Xitayning herbiy qurulushni hedep tizlitishidiki meqsiti amérikining endishisini qozghap kelmekte idi. Amérika tashqi ishlar ministirliqi bu yil yazda élan qilghan doklatida, xitayning bu yilqi herbiy xirajitining 90 milyard dollargha yetken bolushi mumkinlikini mölcherligen. Bu xitay hökümiti élan qilghan sanning kem dégende ikki hessisige toghra kélidu.

Chet'el metbu'atlirining xewerlirige qarighanda, ramisfild üch kün dawam qilidighan ziyaritide, xitayning dölet re'isi xu jintaw we dölet mudapi'e ministiri saw gu'angchü'en bilen körüshüp, ikki terepning herbiy alaqisi we shimaliy koriye yadro kirizisi qatarliq mesililerni muzakire qilidu.

Xitay donald ramisfildning yawro - asiya ziyaritining tünji békiti bolup, u yene jenubiy koriye, mongghuliye, qazaqistan we litwiyilerni ziyaret qilidu. (Arzu)