خىتاي شىركىتىنىڭ ئېكسان موبىلنى سېتىۋېلىش تەكلىپى رەت قىلىندى


2005-11-01
Share

بىر خىتاي شىركىتىنىڭ ئامېرىكا نېفدىت شىركىتى ئېكسان موبىلنى 450 مىليارد دوللارغا ‎سېتىۋېلىش تەكلىپى ئېكسان موبىل تەرىپىدىن رەت قىلىنغان. ئېكسان موبىلنى سېتىۋېلىشنى تەلەپ ‎قىلغان خىتاي شىركىتىنىڭ ئىسمى كىڭ ۋىن لاۋرېل بولۇپ، مەزكۇر شىركەت يېقىندا ئامېرىكا ‎ئاكسىيە ۋە سودا كومىتېتىغا ئېكسان موبىلنى سېتىۋېلىش توغرىسىدا ئىلتىماس سۇنۇپ، ئېكسان ‎موبىلنىڭ ھەر بىر پاي چېكىنى 70 دوللاردىن سېتىۋالىدىغانلىقىنى بىلدۈرگەن. ئەمما ب ب س ‎نىڭ خەۋەر قىلىشىچە، ئېكسان موبىل، كىڭ ۋىن لاۋرېل ناملىق خىتاي شىركىتىنىڭ "مالىيە ‎كۈچى" ئېكسان موبىلنى سېتىۋېلىشقا يېتىدىغانلىقىدىن گۇمان قىلىدىكەن. ‎

ئېكسان موبىلنىڭ باياناتچىسى، " بىز كىڭ ۋىن لاۋرېلنىڭ مالىيە كۈچى بۇ سودىغا ‎يېتىدىغانلىقىغا ئىشەنمەيمىز،" دەپ تەكىتلىگەن. مەركىزى تېكساس شتاتىدىكى ئېكسان موبىل ‎شىركىتى دۇنيا بويىچە ئەڭ چوڭ نېفىت شىركەتلىرىنىڭ بىرى. ئېكسان موبىلنىڭ ئېلان ‎قىلىشىچە، مەزكۇر شىركەت ئۆتكەن پەسىلدە 9 مىليارد 900 مىليون دوللار كىرىم قىلغان. ‎

ئىقتىسادىنىڭ تەرەققىياتى خىتاينىڭ نېفىتكە بولغان ئىھتىياجىنى كۈچەيتمەكتە. بۇ يىلنىڭ ‎باشلىرىدا جوڭگو دېڭىز ئوكيان نېفىت شىركىتى ئامېرىكا يۇنىكال نېفىت شىركىتىنى 18 مىليارد ‎‎500 مىليون دوللارغا سېتىۋالماقچى بولغان ئىدى. ئەمما ئامېرىكا سىياسى ساھەسىدىكى ‎زاتلارنىڭ نىڭ قارشى چىقىشى ئاستىدا يۇنىكالنى سېتىۋېلىشتىن ۋاز كەچكەن. ‎

كۆزەتكۈچىلەرنىڭ ئەسكەرتىشىچە، خىتاي ھۆكۈمىتىنىڭ كىڭ ۋىن لاۋرېلنى مەبلەغ بىلەن ‎تەمىنلەش ئىھتىمالىنى چەتكە قاققىلى بولمايدىكەن. روتېرس ئاخبارات گېنتلىقى، مەزكۇر ‎شىركەتنىڭ تىزىمغا ئالدۇرغان ئادرېسى بېيجىڭدىن 50 كىلومېتىر يىراقلىقتىكى 20 قەۋەتلىك بىر ‎بىنادا ئىكەنلىكىنى بايقىغان. (ئەركىن)‎

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت