Хитай ширкитиниң ексан мобилни сетивелиш тәклипи рәт қилинди


2005-11-01
Share

Бир хитай ширкитиниң америка нефдит ширкити ексан мобилни 450 милярд долларға ‎сетивелиш тәклипи ексан мобил тәрипидин рәт қилинған. Ексан мобилни сетивелишни тәләп ‎қилған хитай ширкитиниң исми киң вин лаврел болуп, мәзкур ширкәт йеқинда америка ‎аксийә вә сода комитетиға ексан мобилни сетивелиш тоғрисида илтимас сунуп, ексан ‎мобилниң һәр бир пай чекини 70 доллардин сетивалидиғанлиқини билдүргән. Әмма б б с ‎ниң хәвәр қилишичә, ексан мобил, киң вин лаврел намлиқ хитай ширкитиниң "малийә ‎күчи" ексан мобилни сетивелишқа йетидиғанлиқидин гуман қилидикән. ‎

Ексан мобилниң баянатчиси, " биз киң вин лаврелниң малийә күчи бу содиға ‎йетидиғанлиқиға ишәнмәймиз," дәп тәкитлигән. Мәркизи тексас штатидики ексан мобил ‎ширкити дуня бойичә әң чоң нефит ширкәтлириниң бири. Ексан мобилниң елан ‎қилишичә, мәзкур ширкәт өткән пәсилдә 9 милярд 900 милйон доллар кирим қилған. ‎

Иқтисадиниң тәрәққияти хитайниң нефиткә болған иһтияҗини күчәйтмәктә. Бу йилниң ‎башлирида җоңго деңиз окян нефит ширкити америка юникал нефит ширкитини 18 милярд ‎‎500 милйон долларға сетивалмақчи болған иди. Әмма америка сияси саһәсидики ‎затларниң ниң қарши чиқиши астида юникални сетивелиштин ваз кәчкән. ‎

Көзәткүчиләрниң әскәртишичә, хитай һөкүмитиниң киң вин лаврелни мәбләғ билән ‎тәминләш иһтималини чәткә қаққили болмайдикән. Ротерс ахбарат гентлиқи, мәзкур ‎ширкәтниң тизимға алдурған адреси бейҗиңдин 50 километир йирақлиқтики 20 қәвәтлик бир ‎бинада икәнликини байқиған. (Әркин)‎

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт