Amérika, se'udi we xitay shirketliri besh milyard dollarliq énérgiye kélishimi tüzdi


2007-03-30
Share

Fransiye agéntliqining 30 ‏- mart béyjingdin bergen xewiridin melum bolushiche, amérikidiki eng chong néfit shirkiti ékson mobil, se'udi erebistanning aramko we xitayning xitay néfit ximiye-sana'iti hessidarliq cheklik shirkiti jüme küni xitayda néfit-ximiye, néfit ayrish zawuti we 750 orunda mulazimet ponkitlirini qurush üchün omumi qimmiti 5 milyard dollargha yétidighan ikki shérikchilik karxanisi toxtimi tüzdi.

Amérika néfit shirkiti ékson mobilning bildürüshiche, bu shirketning bu nöwet xitaygha salghan zor miqdardiki meblighi 12 yilliq teyyarliqning netijisi iken.

Bu néfit ayrish zawuti 2009-yilning béshida ishqa kirishtürülidiken. Bu türning birsi xitayning fu jyen ölkiside burun bar bolghan xitay néfit ximiye-sana'iti hessidarliq cheklik shirkiti bilen fu jyen ölkisi arisidiki néfit ayrish zawutini kéngeytip qurushni oz ichige alidiken.

Buning bilen bu zawut se'udi erebistanning xam néfitining kündilik ayrish we pishshiqlap ishlesh miqdarini 3 hesse köpeytip 240 ming tunggha yetküzidiken.

Bu hemkarliqning meqsiti, xitayning néfit we néfit-ximiye mehsulatlirigha nisbeten shiddet bilen örlewatqan éhtiyajini qamdash bolup, yene se'udi erebistandin uzun muddetlik kélidighan xam néfit kélishiminimu öz ichige alidiken. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet