En'giliye olimpik jem'iyiti öz tenheriketchilirige olimpikta siyasi mesililerni otturigha qoymasliq teklipi bergen

Seyshenbe küni, béyjing olimpik teshikillesh komtéti xadimliri dunyaning herqaysi jayliridin kelgen tenheriketchilerning xelq'ara olimpik komitétining olimpik jeryanida diniy we siyasi heriketlerge qatnashmasliq heqqidiki qa'idilirige boysunushi kéreklikini bildürgen bolsimu, emma en'giliye olimpik jem'iyitining bu yilliq olimpikke qatnishidighan tenheriketchilerning aghzini étishke urun'ghanliqigha qandaq qaraydighanliqi üstide toxtalmighan.

10- Féwral, yekshenbe küni, en'giliye olimpik jem'iyiti oz tenheriketchiliri xitaygha barghanda siyasi jehette sezgür mesililerni otturigha qoymasliq toghrisidiki ehdinamige qol qoydurush teklipini meydan'gha chiqarghandin kiyin, bu teklip jiddiy ghulghula qozghighan idi.

Birleshme agéntliqida béyjing olimpik teshkillesh komitétining bayanatchisi sün wéydéning éytqanlirini neqil élip körsitishiche, sun wéydé en'giliye olimpik jem'iyitining bu qararigha öz meydanini ipadileshni ret qilghan bolsimu, emma u bu nöwet olimpikke qatnishish üchün xitaygha kélidighan tenheriketchilerning olimpik rohigha hörmet qilishini we xelq'ara olimpik komtéti belgiligen qa'idilerge hörmet qilishini ümid qilidighanliqini bildürgen.

En'giliye olimpik jem'iyitining bildürüshiche, ular hazir tenheriketchiler ehdinamisini özgertish üstide muzakire élip bériwatqan bolup, emma bularning bu ehdinamisi kishilik hoquq teshkilatlirining qattiq qarshiliqigha uchrighan idi.

Emma en'giliye olimpik jem'iyiti bayanatchisi graham néwson özlirining shundaq qarargha kélishide hergizmu xitay da'irilirining bésmi tüpeylidin bolmighanliqini tekitlidi. (Jüme)