Америка апәткә учриған районларни қутқузушқа 10 милярд доллар аҗратти


2005-09-02
Share

Президент җорҗи буш, америкиниң мексика қолтуқидики апәткә учриған районларни қутқузушқа 10 милярд доллар аҗратқандин кейин, кеңәш палатаси пәйшәнбә күни кәчтә җидди топлинип, президент бушниң җидди қутқузуш лаһийисини мақуллиди. Авам палатаси бу лаһийини бүгүн авазға қойиду.

Буш, җүмә күни апәт йүз бәргән районлардики алабама, луизияна вә миссисипи штатлирини көздин кәчүрди. У, алдинқи күни сабиқ президентлар бил клинтон билән дадиси җорҗи бушни ақ сарайға чақирип, ианә топлаш мәсилисини мәслиһәтләшкән. Бу қетимқи апәт америка тарихидики әң зор апәтләрниң бири болуп һесаблиниду.

Президент буш апәт райониниң қайта қурулушиға нәччә йиллар кетидиғанлиқини етирап қилди. Бу җәрянда апәт районидики қутқузуш һәрикити қанат йейиватиду. Пуқралар аптобуслар билән бихәтәр районларға тарқақлаштурулмақта. Әмма апәткә учриған пуқралар қутқузуш һәрикитиниң астилиқидин нарази. Болупму йеңи орлян шәһиридики пуқраларни тарқақлаштуруш мәсилиси қийинчилиққа учримақта.

Президент буш уларни сәврчан болушқа чақирди. Бу арида бинзинниң баһаси өрләп кәткәнликтин буш бензин билән тәминләш изиға чүшкичә, пуқраларни теҗәшлик болушқа үндигән. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт