Койзуми, японийиниң өтмүштики һәрикити мунасивити билән әпу сориди


2005.04.22

японийә баш министири койзуми җүмә күни җакартадики асия - африқа башлиқлар йиғинида, японийиниң 1930 вә 40 - йиллардики һәрбий кеңәймичилик һәрикити мунасвити билән әпу сориди. Койзуми, японийә өтмүштики һәрикитидин " пушайман қилиду шундақла чин көлидин әпу сорайду" дәп көрсәтти. Койзуми, йиғин арисида хитай дөләт рәиси ху җиңтав билән шәнбә күни учришидиғанлиқини билдүргән. Әмма хитай һөкүмити икки тәрәпниң учришидиғанлиқини муәййәнләштүрмиди.

Хитай ташқи ишлар министирлиқиниң баянатчиси коң чүән, " биз буни муәййәнләштүрәлмәймиз, икки дөләтниң ташқи ишлар министирлиқи давамлиқ сөһбәтлишиватиду," диди. Әмма коңчүән, җоңго һөкүмити койзуминиң әпу сориғанлиқини қарши алиду, дәп көрсәтти. Койзуми җакартадики йиғинда, японийиниң кәлгүси 3 йилда африқидики дөләтләргә бериватқан ярдимини икки һәссә көпәйдиғанлиқини вәдә қилди.

Анализчилар , японийә ташқи ярдәмни көпәйтип, хитайларниң қарши турушиға учраватқан б д т хәвпсизлик кеңишиниң даими әзалиқини капаләткә игә қилиш үчүн тиришмақта,дәп көрсәтти. японийә дипломатлириниң ашкарилишичә, койзуминиң нутуқи б д т баш катипи кофи аннанниң махтишиға еришкән. Ху җиңтав җакартадики йиғинда сөзлигән нутуқида, хитайни 3 - дуня әллириниң чимпийони болуп қалиду, дәп махтиған, әмма у, японийә мәсилисини тилға алмиди. Б б с ниң илгири сүрүшичә, хитай - японийә оттурисидики ихтилабниң юмшаш яки юмшимаслиқи, ху җиңтав билән койзуминиң бу қетим җакартада бир ариға келиш яки кәләлмәслики билән алақидаркән. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.