Koyzumi, yaponiyining ötmüshtiki herikiti munasiwiti bilen epu soridi


2005.04.22

Yaponiye bash ministiri koyzumi jüme küni jakartadiki asiya - afriqa bashliqlar yighinida, yaponiyining 1930 we 40 - yillardiki herbiy kéngeymichilik herikiti munaswiti bilen epu soridi. Koyzumi, yaponiye ötmüshtiki herikitidin " pushayman qilidu shundaqla chin kölidin epu soraydu" dep körsetti. Koyzumi, yighin arisida xitay dölet re'isi xu jingtaw bilen shenbe küni uchrishidighanliqini bildürgen. Emma xitay hökümiti ikki terepning uchrishidighanliqini mu'eyyenleshtürmidi.

Xitay tashqi ishlar ministirliqining bayanatchisi kong chü'en, " biz buni mu'eyyenleshtürelmeymiz, ikki döletning tashqi ishlar ministirliqi dawamliq söhbetlishiwatidu," didi. Emma kongchü'en, jonggo hökümiti koyzumining epu sorighanliqini qarshi alidu, dep körsetti. Koyzumi jakartadiki yighinda, yaponiyining kelgüsi 3 yilda afriqidiki döletlerge bériwatqan yardimini ikki hesse köpeydighanliqini wede qildi.

Analizchilar , yaponiye tashqi yardemni köpeytip, xitaylarning qarshi turushigha uchrawatqan b d t xewpsizlik kéngishining da'imi ezaliqini kapaletke ige qilish üchün tirishmaqta,dep körsetti. Yaponiye diplomatlirining ashkarilishiche, koyzumining nutuqi b d t bash katipi kofi annanning maxtishigha érishken. Xu jingtaw jakartadiki yighinda sözligen nutuqida, xitayni 3 - dunya ellirining chimpiyoni bolup qalidu, dep maxtighan, emma u, yaponiye mesilisini tilgha almidi. B b s ning ilgiri sürüshiche, xitay - yaponiye otturisidiki ixtilabning yumshash yaki yumshimasliqi, xu jingtaw bilen koyzumining bu qétim jakartada bir arigha kélish yaki kelelmesliki bilen alaqidarken. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.