Amérika, dunya soda teshkilati arqiliq xitaygha eqliy mülük hoquqi jehette bésim ishletmekchi


2005-10-26
Share

Amérika da'iriliri dunya soda teshkilatidin munasiwetlik belgilimilerge asasen xitaygha eqliy mülük hoquqi jehette bésim ishlitishni telep qilmaqchi.

Amérika soda wekili rob portmen ependining charshenbe küni bildürüshiche, ular mezkur teshkilattiki eqliy mülük kélishimige asasen xitay hökümitidin ötkenki bir nechche yil ichidiki eqliy mülükke taqabil turush tedbirliri heqqide konkért uchurlarni we bu heqtiki tirishchanliqirini tepsiliy tonushturushni telep qilidiken.

U yene, xitay hökümitining gerche eqliy mülük hoquqini qoghdash jehette nurghun tirishchanliqlarni körsitip hetta nechche minglighan eqliy mülükni oghurlash délolirini pash qilghanliqini tekitligen bolsimu, lékin qanunsiz köchürüsh we patént hoquqini oghurlashqa oxshash eqliy mülük hoquqigha depsende qilish ehwalining xitayda nahayiti köp bayqiliwatqanliqini tekitligen.

Amérika terep bu qétim yene, xitay hökümitidin eqliy mülükni qoghdash jehettiki uchurlarni amérikigha 3 ayning ichide yeni kéler yili 1 -ayning 23 - künidin burun teminlishi kéreklikini telep qilidiken. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet