Amérika dölet mejlisi xitaydiki diniy erkinlik mesilisi heqqide ispat bérish yighini ötküzdi


2004.11.21
Share on WhatsApp
Share on WhatsApp

Amérika dölet mejlisining qarmiqidiki xitay ishliri komitéti ötken peyshenbe küni xitaydiki diniy erkinlik weziyiti heqqide ispat bérish yighini ötküzdi.

Yighin'gha riyasetchilik qilghan xitay ishliri komititining re'isi jeymis lich, xitay hökümitining puqralirining diniy erkinlikini dawamliq depsende qiliwatqanliqini, bolupmu Uyghurlar bilen tibetlerge qattiq qol diniy siyaset yürgüziwatqanliqini bildürdi.

Yighinda ispat bergen xitaygha yardem bérish jem'iyitining re'isi fushichuw we xitay türmiside uzun mezgil yatqan tibetlik rahibe nawang sandirol qatarliqlar xitaydiki diniy erkinlikning depsende qilinish ehwallirini bayan qildi we xitay hökümitini tutup turiwatqan diniy zatlarni qoyup bérip, puqralarning diniy pa'aliyetler bilen erkin shoghullinishigha yol qoyushqa chaqirdi.

Yighinning axirida ispat bergen amérika xelq'ara diniy erkinlik komititining re'isi pirita bensil xanim, xitay hökümitining diniy pa'aliyetlerni öz hakimiyitige tehdid dep qarap, kontrol we nazaret astigha alidighanliqini körsetti.

U yene amérika hökümitige xitaydiki diniy erkinlik weziyitini yaxshilash heqqide bir qanche türlük teklip berdi. U amérika hökümitini Uyghur élining merkizi ürümchi we tibetning merkizi lasalada amérika konsolxanisi qorup, bu rayunlardiki diniy erkinlik weziyitini yaxshilash üchün tirishchanliq körsitishke chaqirdi. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet