Президент буш хитайни диний вә ахбарат әркинлики мәсилисидә агаһландурди

Америка президенти җорҗи буш сәйшәнбә күни ақ сарайда өткүзүлгән мухбирларни күтүвелиш йиғинида, хитай - америка мунасивити һәққидә тохтулуп, бейҗиң даирилирини диний вә ахбарат әркинлики қатарлиқ мәсилиләр бойичә агаһландурди.

Америкиниң хитайни агаһландуруш мәҗбурийити бар, дәп тәкитлигән президент буш, " үмидвар бир җәмийәтниң диний вә ахбарат әркинликигә техиму иһтияҗи болиду, дәп көрсәтти. Буш, хитай - америка оттурисидики сода мәсилисини тилға елип, америка вә явропа иттипақи билән сода ихтилапи күчийиватқан хитайни " дуняви содида адил йол тутушқа үндәймиз" дәп агаһландурди.

У мундақ дәйду: биз бир тәрәптин хитайни иқтисади пурсәт, дәп қараймиз, хитай билән сода қилишниң әң яхши усули, бу йәрдә бәзи принсиплар бар дийиштур." Сода, америка - хитай мунасвитидики әң талаш - тартиш қозғаватқан темиларниң бири болуп қалди. Америка сода министири чарлос гутириз билән америка баш сода вәкили роб портман 4 - июнда хитайни зиярәт қилип, хитайниң муавин баш министири ву йи билән сөһбәт елип бариду. Франсийә ахбарат агентлиқиниң хәвәр қилишичә, америка баш сода вәкили портман, " биз хитай билән җидди сода мәсилисигә дуч келиватимиз," дәп тәкитлигән. (Әркин)