Prézidént bush xitayni diniy we axbarat erkinliki mesiliside agahlandurdi

Amérika prézidénti jorji bush seyshenbe küni aq sarayda ötküzülgen muxbirlarni kütüwélish yighinida, xitay - amérika munasiwiti heqqide toxtulup, béyjing da'irilirini diniy we axbarat erkinliki qatarliq mesililer boyiche agahlandurdi.

Amérikining xitayni agahlandurush mejburiyiti bar, dep tekitligen prézidént bush, " ümidwar bir jemiyetning diniy we axbarat erkinlikige téximu ihtiyaji bolidu, dep körsetti. Bush, xitay - amérika otturisidiki soda mesilisini tilgha élip, amérika we yawropa ittipaqi bilen soda ixtilapi küchiyiwatqan xitayni " dunyawi sodida adil yol tutushqa ündeymiz" dep agahlandurdi.

U mundaq deydu: biz bir tereptin xitayni iqtisadi purset, dep qaraymiz, xitay bilen soda qilishning eng yaxshi usuli, bu yerde bezi prinsiplar bar diyishtur." Soda, amérika - xitay munaswitidiki eng talash - tartish qozghawatqan témilarning biri bolup qaldi. Amérika soda ministiri charlos gutiriz bilen amérika bash soda wekili rob portman 4 - iyunda xitayni ziyaret qilip, xitayning mu'awin bash ministiri wu yi bilen söhbet élip baridu. Fransiye axbarat agéntliqining xewer qilishiche, amérika bash soda wekili portman, " biz xitay bilen jiddi soda mesilisige duch kéliwatimiz," dep tekitligen. (Erkin)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar