Әрмәнийидики қалаймиқанчилиқта 8 адәм өлди


2008-03-02
Share

Шәнбә күни кавказийидики әрменийә җумһурийитиниң пайтәхти йереван шәһиридә йүз бәргән наразилиқ һәрикәтлиридә сақчилар билән намайишчилар арисида тоқунуш келип чиқип, аз дегәндә сәккиз адәм өлгән. Намайишчилар 2-айда өткүзүлгән президент сайлимидин нарази болған болуп, алди билән тинч намайиш елип берилған болса, бу һәрикәт арқидин қан төкүлүш билән хуласиланған.

Б б с агентлиқиниң хәвәр қилишичә, сақчилар намайишчиларға яш аққузуш бомбиси вә башқа техникилиқ буюмларни ишлитип, уларни тарқитиветишкә һәрикәт қилған болсиму, лекин, икки тәрәп арисида тоқунуш елип чиққан һәмдә 30 сақчи яриланған. Шәнбә күни әрменийә һөкүмити һәрбий һаләт елан қилип, шәһәргә танка-бронивикларниң һимайиси астида һәрбий қошун киргүзгән. Һәрбий һаләтниң 20- мартқичә елип берилидиғанлиқи җакарланған. Әрменийә президенти хәлқни тинчлиққа чақирған һәмдә йәкшәнбә күнигичә шәһәр тинчландурулған.

Бу намайишни президент сайлимида йеңилгән намзат тәрәпдарлири уюштурған болуп, улар сайламниң адил болмиғанлиқи, униңда сахтилиқ барлиқини көрситишкән. Бирақ, йәнә бәзи өктичиләр әрмәнийидики бу вәқәләрниң қошна грузийидики рәңлик инқилабниң тәсири икәнлики шуниңдәк русийиниң әрмәнийидики тәсиригә сәлбий инкас пәйда қилидиғанлиқини пәрәз қилишқан. (Үмидвар)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт