Ermeniyidiki qalaymiqanchiliqta 8 adem öldi


2008-03-02
Share

Shenbe küni kawkaziyidiki erméniye jumhuriyitining paytexti yéréwan shehiride yüz bergen naraziliq heriketliride saqchilar bilen namayishchilar arisida toqunush kélip chiqip, az dégende sekkiz adem ölgen. Namayishchilar 2-ayda ötküzülgen prézidént saylimidin narazi bolghan bolup, aldi bilen tinch namayish élip bérilghan bolsa, bu heriket arqidin qan tökülüsh bilen xulasilan'ghan.

B b s agéntliqining xewer qilishiche, saqchilar namayishchilargha yash aqquzush bombisi we bashqa téxnikiliq buyumlarni ishlitip, ularni tarqitiwétishke heriket qilghan bolsimu, lékin, ikki terep arisida toqunush élip chiqqan hemde 30 saqchi yarilan'ghan. Shenbe küni erméniye hökümiti herbiy halet élan qilip, sheherge tanka-broniwiklarning himayisi astida herbiy qoshun kirgüzgen. Herbiy haletning 20- martqiche élip bérilidighanliqi jakarlan'ghan. Erméniye prézidénti xelqni tinchliqqa chaqirghan hemde yekshenbe künigiche sheher tinchlandurulghan.

Bu namayishni prézidént saylimida yéngilgen namzat terepdarliri uyushturghan bolup, ular saylamning adil bolmighanliqi, uningda saxtiliq barliqini körsitishken. Biraq, yene bezi öktichiler ermeniyidiki bu weqelerning qoshna gruziyidiki renglik inqilabning tesiri ikenliki shuningdek rusiyining ermeniyidiki tesirige selbiy inkas peyda qilidighanliqini perez qilishqan. (Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet