Xitay, éfi'opiyede yüz bergen weqening afriqigha meblegh sélishning aldini tosup qalalmaydighanliqini bildürdi


2007-04-26
Share

Seyshenbe küni éfi'opiyege jaylashqan bir xitay igidarchiliqidiki néfitlikke qilin'ghan hujumda 9 xitay puqrasini öz ichige alghan 74 adem ölgen idi. Peyshenbe küni xitay terepning bildürüshiche, bu hujum xitayning afriqigha meblegh sélish ishlirini tosup qalalmaydiken. Lékin xitay bixeterlik wastilirini kücheytidighanliqini ipadiligen.

Birleshme agéntliqi 26 ‏- aprilda bergen xewéride éytilishiche, xitay tashqi ishlar bayanatchisi lyu jyen chyaw: "hökümitimiz öz karxanilirining bashqa döletlerdiki barawerlik we öz ‏- ara menpe'et asasigha qurulghan iqtisadi hemkarliqini qollaydu. Bu elwette afriqinimu öz ichige alidu. Bu bizning özgermes siyasitimiz," dégen.

Xitaylar afriqidin kiridighan xam néfit importi arqiliq, siyasi jehette dawalghush körülüp turidighan ottura sherqtin kirgüzülidighan néfitqa tayinip qilishtin saqlan'ghan idi.

Éfi'opiyening néfit türige meblegh salghan xitay néfit-ximiye shirkiti bayanatchisi mundaq dégen: "afriqidiki xeterdin qorqush seweblik, afriqidin hergiz chékinip chiqqaymiz." Seyshenbe künidiki hujum, éfi'opiyediki chet'el shirketlirining tunji hujumigha uchrishi bolup, emma afriqa qit'esidiki xitay shirketlirige qilin'ghan bir nechche qétimliq hujumlarning bir qismi. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet