Америка билән хитай бирлишип дөләт һалқиған юмшақ детал өзәклири әткәсчиликигә зәрбә бәрди
2007.07.24
Америка федератсийә тәкшүрүш идариси билән хитай җамаәт хәвпсизлик министирлиқи бирликтә юмшақ детал өзәклири әткәсчиликигә зәрбә бериш һәрикитини мушу айниң 6 - күни башлиған иди , б б с ниң хәвәр беришичә , һазирғичә хитай җамаәт хәвпсизлик тармақлири дөләт һалқип юмшақ детал өзәклири әткәсчилики билән шуғуллиниватқан 25 җинайәт гумандарини қолға алған.
юмшақ детал ана дескисидин 22ни вә 360 миң парчидин артуқ көчүрүлгән диска вә башқа әткәс боюмлири вә униңдин игә болған заң малларни биргә қолға чүшүргән болуп омумий қиммити 60милйон юәндин ашидикән.
Америка тәрәпму юмшақ детал өзәклири әткәсчиликигә даир 24 түрлүк тәкшүрүш һәмдә қолға елиш буйруқи чүшүргән болуп , икки милйон доллар қиммитидики юмшақ детал әткәс буюмлирини қолға чүшүргән, шундақла америка қошма шитатлирида ува салған чегра һалқип әткәсчилик билән шуғуллиниватқан җинайәт гумандарлирини кәң көләмдә тутуш һәрикитини башлайдикән.
Америка - хитай һәмкарлиқидики бу һәрикәт дөләт һалқиған юмшақ детал өзәклири әткәсчилиригә зәрбә беришни мәқсәт қилип қозғалған дуня миқясидики әң чоң һәрикәт һесаблинидикән. (Гүлчеһрә)