Японийә сақчилири 4 нәпәр хитайни зәһәр әткәсчилик җинайити билән қолға алди


2007.08.13
Share on WhatsApp
Share on WhatsApp

13 Авғуст күни япон сақчи даирилириниң ашкарилишичә, японийиниң җәнубий қисмида япон сақчилири 4 нәпәр хитай зәһәр әткәсчисини қолға чүшүргән болуп, бу қетим қолға чүшүрүлгән зәһәрлик чекимликниң миқдари, өткән бир йилда пүтүн японийә миқясида қолға чүшүрүлгән зәһәрлик чекимликниң омумий миқдаридин көп икән.

Осака сақчилири, бир нәпәр 42 яшлиқ хитай аял, вә башқа үч нәпәр хитай әр һәм 155 килограм роһландурғучи дора , 280 килограм нәшә, 680 миң тал өзини унтулдуруш ( худини йоқитиш) дориси, қатарлиқларни қолға чүшүргән.

Осака сақчи даирилириниң билдүрүшичә, мәзкур дело, әслидә 20 - июл турғузулған болуп, сақчилар канададин осака портиға кәлгән бир йүк сандуқидики яғач материяли арисидин бу бир түркүм қанунсиз дориларни байқиған.

Алдинқи дүшәнбә күни японийә сақчилири, сакай шәһиригә җайлашқан мал селинған адрестики искилатқа қарита һәрикәт елип барған вә юқириқи 4 нәпәр хитай пуқрасини, зәһәрлик чекимлик чәкләш қануниға хилаплиқ қилиш, һәм зәһәрлик чекимлик сетиш җинайәт гумандарлири сүпитидә қолға алған.

японийә дөләтлик сақчи вазаритиниң санлиқ мәлуматиға қариғанда, бу нөвәт қолға чүшүрүлгән зәһәрлик чекимлик делоси бир қанчә йил ичидики чоң делоларниң бири болуп һесаблинидикән .

Әгәр, бу 4 нәпәр хитай пуқраси гунаһкар дәп испатланса, муддәтсиз қамақ җазасиға тартилидикән вә 840 миң 560 доллар җәриманә төләйдикән. (Җүмә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт