Yaponiye saqchiliri 4 neper xitayni zeher etkeschilik jinayiti bilen qolgha aldi

13 Awghust küni yapon saqchi da'irilirining ashkarilishiche, yaponiyining jenubiy qismida yapon saqchiliri 4 neper xitay zeher etkeschisini qolgha chüshürgen bolup, bu qétim qolgha chüshürülgen zeherlik chékimlikning miqdari, ötken bir yilda pütün yaponiye miqyasida qolgha chüshürülgen zeherlik chékimlikning omumiy miqdaridin köp iken.

Osaka saqchiliri, bir neper 42 yashliq xitay ayal, we bashqa üch neper xitay er hem 155 kilogram rohlandurghuchi dora , 280 kilogram neshe, 680 ming tal özini untuldurush ( xudini yoqitish) dorisi, qatarliqlarni qolgha chüshürgen.

Osaka saqchi da'irilirining bildürüshiche, mezkur délo, eslide 20 - iyul turghuzulghan bolup, saqchilar kanadadin osaka portigha kelgen bir yük sanduqidiki yaghach matériyali arisidin bu bir türküm qanunsiz dorilarni bayqighan.

Aldinqi düshenbe küni yaponiye saqchiliri, sakay shehirige jaylashqan mal sélin'ghan adréstiki iskilatqa qarita heriket élip barghan we yuqiriqi 4 neper xitay puqrasini, zeherlik chékimlik cheklesh qanunigha xilapliq qilish, hem zeherlik chékimlik sétish jinayet gumandarliri süpitide qolgha alghan.

Yaponiye döletlik saqchi wazaritining sanliq melumatigha qarighanda, bu nöwet qolgha chüshürülgen zeherlik chékimlik délosi bir qanche yil ichidiki chong délolarning biri bolup hésablinidiken .

Eger, bu 4 neper xitay puqrasi gunahkar dep ispatlansa, muddetsiz qamaq jazasigha tartilidiken we 840 ming 560 dollar jerimane töleydiken. (Jüme)