Yawropa ittipaqi xitay éksport qilghan ayaq kiyimliridin baj élishni qarar qildi

• 
  2006-10-06

Yawropa ittipaqining edliye ministirliri aldinqi küni lyuksénborgda,mezkur ittipaqning kelgüsi 2 yilghiche xitay yawropa ittipaqigha éksport qilghan ayaqkiyimlerdin 5.16 Pirsent baj alidighanliqini qarar qildi.

Birleshme axbarat agéntliqining eskertishiche, bu qarar xitay ayaqkiyimlirini yawropada tökme qilip sétishqa qarshi turush we yawropa ayaqkiyim sana'étini qoghdashni meqsed qilghan. Shenbe künidin bashlap ijra qilinidighan mezkur qararda wéytnamdin éksport qilinidighan ayaqkiyimliridinmu baj élish belgilendi.

Xitay soda mibnistirliqi shu küni yawropa ittipaqining qararini " qanun'gha xilap", dep eyibligen. Xitay soda ministirliqining bayanatchisi chung chüen, xitayning öch élish xaraktérlik tedbir alidighanliqini agahlandurdi. Yawropa ittipaqining soda komisari mandilson, bu yil 8 - ayda xitay ayaqkiyimliridin 5 yilghiche 5.16 Pirsent baj élishni otturigha qoyghan. Lékin qararda bu teklip 2 yilgha qisqartildi.