Yawropa ittipaqi xitay toqumichiliq malliri majrasigha axirqi chek qoydi


2005.05.25
Share on WhatsApp
Share on WhatsApp

Yawropa ittipaqi charshenbe küni xitay bilen bolghan toqumichiliq malliri heqqidiki majragha axirqi chek qoyup, bu mesilini 5 - ayning 31 - künigiche ikki terep gheyriy resmiy söhbet arqiliq hel qilishni, bolmisa buni dunya soda teshkilatining bir terep qilishigha sunup béridighanliqini bildürdi.

Yawropa ittipaqining soda komissari pétér mandélsonning bildürishiche, eger gheyriy resmiy söhbette héchqandaq netije hasil bolmisa, u chaghda yawropa ittipaqi xitay bilen resmiy söhbet ötküzidiken. Adette dunya soda teshkilati resmiy söhbetke 90 kün waqit béridighan bolup, bu mezgilde hel bolmighan mesilini dunya soda teshkilati özi bir terep qilidiken.

Shundaqla xitay terep toqumichiliq mallirining ékisportigha cheklime qoymighan teqdirdimu, yawropa ittipaqining öz aldigha bir tereplimilik cheklime qoyush hoquqi bolidiken.

Toqumichiliq mallirigha qoyulghan xelq'araliq cheklime bu yil 1 - ayda emeldin qaldurulghandin buyan, xitay malliri amérika we yawropa bazirini shiddet bilen qaplap ketken. Shu sewebtin hazir bu döletlerdiki toqumichiliq mehsulatlirini ishlepchiqirish orunliri hökümettin xitay toqumichiliq mallirini import qilishni chekleshni küchlük telep qilmaqta. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.