Yawropa ittipaqining re'isi xitayni kishilik hoquq mesiliside agahlandurdi
2005.07.14
Xitayda ziyarette boluwatqan yawropa ittipaqining re'isi xoséy menyul boroso peyshenbe küni xitayning kishilik hoquq weziyitini yaxshilishi kéreklikini agahlandurdi.
Boroso xitaydiki bu tunji ziyaritide, yawropa ittipaqidiki 25 döletning xitay bilen bolghan munasiwetni ilgiri sürüshni xalaydighanliqini bildürüsh bilen birge, kishilik hoquq mesilisige oxshash tekitleshke tégishlik bezi mesililerni alahide tilgha aldi.
Boroso sözide kishilik hoquq mesiliside xitaygha xéli küchlük ségnal bergen bolup, u yene xitay kishilik hoquqini yaxshilimighiche, yawropa ittipaqining xitaygha 16 yildin buyan qolliniwatqan qoral sétip bermeslik belgilimisini bikar qilmaydighanliqini bildürdi.
Yawropa ittipaqi 1989 - yilidiki tiyen'enmén weqesidin kéyin xitaygha 15 yilliq qoral satmasliq jazasini qoyghan bolup, gerche buning waqti ötken yili toshqan bolsimu, emma yawropa ittipaqi amérikining bésimi astida bu jazani téxi bikar qilmighan idi.
Amérika hökümiti xitayning kishilik hoquqida yéterlik ilgirilesh bolmighanliqini shundaqla xitayning yawropa ittipaqidin qoral sétiwalsa buning ikki qirghaq muqimliqigha tehdit bolidighanliqini tekitlep, yawropa ittipaqining bu jazani bikar qilishigha qarshi turup kelgen.
Yawropa komitétining re'isi boroso sözide yene, xitayning yawropa ittipaqidiki 25 döletni qayil qilish üchün, kishilik hoquq weziyitide körünerlik ilgirilesh hasil qilishining zörür ikenlikini tekitlidi. (Peride)
Munasiwetlik maqalilar
- Mutexessisler: chingxeydiki qush zukam wirusining etraptiki rayonlargha tarqilish mumkinchiliki zor
- B d t xitayni qush zukam wirusi heqqide agahlandurdi
- Yawropa ittipaqi bilen xitay toqulma mehsulatlar mesiliside kélishim hasil qildi
- Amérika, eqliy mülük hoquqi we toqumichiliq mehsulatlirini ékisport qilish mesiliside béyjingni agahlandurdi
- Prézidént bush xitayni diniy we axbarat erkinliki mesiliside agahlandurdi
Köp körülgen xewerler
RFA
- Istanbulda “Uyghur mehellisi” qurulushining pütüp chiqishi munasiwiti bilen échilish murasimi ötküzüldi
- Toronto uniwérsitéti doklati: “Uyghur ayal kishilik hoquq qoghdighuchiliri we zhurnalistlar xitayning misli körülmigen basturushigha uchrighan”
- Uyghur wekilliri türkiye parlaméntidin Uyghur qirghinchiliqini öz küntertipige qoyushni telep qildi
- Nuri türkel: “Amérikaning anamni ekélishini Uyghurlargha körsitiwatqan ghemxorluqining ipadisi, dep qaraymen”
- B d t da milletlerning wekillik qilish heq-hoquqliri muhakime qilindi