Японийә, бейҗиңни хитайлардики япон өчмәнликини әйипләшкә чақирди


2005-04-14
Share

японийә ташқи ишлар министири, бейҗиң даирилирини хитайлардики японийә өчмәнликини әйибләшкә чақирип, хитай етиразчиларниң японийигә қарши бузғунчилиқини кәчүрүшкә болмайду, дәп көрсәтти.

Хитай " вәтәнпәрвәрләр" японийиниң бейҗиңдики баш әлчиханисини таш боранға тутуп, әлчихана деризилирини чеқивәткән. Хитай һөкүмити вәқәгә японийә тәрәпни җавабкар, дәп елан қилди шундақла японийиниң шәрқий деңизда нефит қезиш қарарини күшкүрткүчилик һәрикәт, дәп әйиблигән. Амма японийә ташқи ишлар министири нобутака мачимуру, пәйшәнбә күни японийә парламентида сөз қилип, хитай даирилириниң намайишчиларға һесдашлиқ қилғанлиқини билдүрди.

Мачимуру, " һәр қандақ сәвәп намайишчиларниң бузғунчилиқини кәчүрүшкә йәтмәйду," дәп тәкитлигән. У, намайишчиларниң " һәрикитимиз вәтәнпәрвәрлик, шуниң үчүн гунаһсиз," дәп қарайдиғанлиқини әскәртип, " етиразчилар бузғунчилиқниң гунаһлиқини билиду, амма улар өзлирини гунаһсиз, дәп турувалди. Хитай дипломатлар уларға йол қоюп, бу арқилиқ һөкүмәтниң уларни қоллайдиғанлиқини испатлиди," дәп көрсәтти.

Хитай милләтчиләр пуқраларни мачумуруниң йәкшәнбә күни елип баридиған бейҗиңдики зиярити җәрянида, кәң - көләмлик намайиш өткүзүшкә чақирған. Бу арида японийә сақчи назарити билән мудапиә министирлиқиниң тор бети виросниң һуҗумиға учурди. Хитай ташқий ишлар министирлиқи, вирос һуҗумиға хитай һөкүмитиниң арлашқанлиқини рәт қилған. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт