Yaponiye, béyjingni xitaylardiki yapon öchmenlikini eyipleshke chaqirdi


2005.04.14
Share on WhatsApp
Share on WhatsApp

Yaponiye tashqi ishlar ministiri, béyjing da'irilirini xitaylardiki yaponiye öchmenlikini eyibleshke chaqirip, xitay étirazchilarning yaponiyige qarshi buzghunchiliqini kechürüshke bolmaydu, dep körsetti.

Xitay " wetenperwerler" yaponiyining béyjingdiki bash elchixanisini tash boran'gha tutup, elchixana dérizilirini chéqiwetken. Xitay hökümiti weqege yaponiye terepni jawabkar, dep élan qildi shundaqla yaponiyining sherqiy déngizda néfit qézish qararini küshkürtküchilik heriket, dep eyibligen. Amma yaponiye tashqi ishlar ministiri nobutaka machimuru, peyshenbe küni yaponiye parlaméntida söz qilip, xitay da'irilirining namayishchilargha hésdashliq qilghanliqini bildürdi.

Machimuru, " her qandaq sewep namayishchilarning buzghunchiliqini kechürüshke yetmeydu," dep tekitligen. U, namayishchilarning " herikitimiz wetenperwerlik, shuning üchün gunahsiz," dep qaraydighanliqini eskertip, " étirazchilar buzghunchiliqning gunahliqini bilidu, amma ular özlirini gunahsiz, dep turuwaldi. Xitay diplomatlar ulargha yol qoyup, bu arqiliq hökümetning ularni qollaydighanliqini ispatlidi," dep körsetti.

Xitay milletchiler puqralarni machumuruning yekshenbe küni élip baridighan béyjingdiki ziyariti jeryanida, keng - kölemlik namayish ötküzüshke chaqirghan. Bu arida yaponiye saqchi nazariti bilen mudapi'e ministirliqining tor béti wirosning hujumigha uchurdi. Xitay tashqiy ishlar ministirliqi, wiros hujumigha xitay hökümitining arlashqanliqini ret qilghan. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet