Yaponiye tashqi ishlar ministiri xitayni eyiblidi


2005.04.24

Yaponiye tashqi ishlar minsitiri machimura xitayning tarix derslik kitablirining intayin bir tereplime ikenlikini bildürdi.

U yekshenbe küni yaponiyidiki bir téléwiziye istansisining ziyaritini qobul qilip, " bir yaponluq bolush nezirim bilen éytqanda, xitayning derslik kitapliri peqet xitay hökümitining qilghanlirining hemmisi toghra dégenni ögitidu. Bundaq xa'ish hemme dölette bar. Biraq, xitayning derslik kitablirida bu bekla ashuriwétilgen" dédi.

Biraq ,u shuning bilen bir waqitta, xitay dölet re'isi xujintaw bilen yaponiye bash ministiri yunichiro koyzomining shenbe küni jakartada ikki terep ixtilabini hel qilish yolida söhbet ötküzgenlikini qarshi aldi.

Amérika birleshme axbarat agéntliqining xewirige qarighanda, yaponiye- xitay rehberlirining bu uchrushushi, xitayda yéqinda yaponiyige qarshi keng kölemde naraziliq namayishliri yüz bergendin buyanqi tünji qétimi bolup hisablinidu. Tokyoning yéqinda xitay teripidin yaponiyining ikkinchi dunya urushidiki jinayi qilmishliri pedezlen'gen dep qaralghan tarix derslik kitabini testiqlishi, xitayning her qaysi jaylirida keng kölemlik namayishlarning qozghilishigha sewepchi bolghan.

Xitay dölet re'isi xujintaw shenbe künidiki uchrushushta, xitay- yaponiye munasiwitini yaxshilashni ümid qilidighanliqini, biraq tokyoning choqum urush mezgilidiki tarixi heqqide obdan öz özini tekshürishi kéreklikini bildürgen. Buning aldida, yaponiye bash ministiri yunichiro koyzomi, yaponiyining urush mezgilidiki zorawanliq qilmishliri heqqide asiya döletliridin kechürüm sorighan idi. Emma xujintaw, yaponiyining choqum emiliy herikiti bilen semimiyitini ispatlishini telep qilmaqta. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.