Кишилик һоқуқни көзүтүш тәшкилати хитай қатарлиқ дөләтләрни әйиплиди


2005-04-29
Share

Мәркизи ню - йорктики хәлқара кәчүрүм тәшкилати мәһбусларға тән җазаси бериш мәсилиси бойичә доклат елан қилип, 2004 вә 2005 - йиллирида хитай, мисир, иран, русийә, түркийә қатарлиқ дөләтләрдә мәһбусларға тән җазаси бериш қилмишиниң давамлиқ йүз бәргәнликини тәнқид қилди.

Кишилик һоқуқни көзүтүш тәшкилатиниң доклатида, " гәрчә бәзи һөкүмәтләр терорчилиққа қарши турушни баһанә қилип мәһбуслар яки тутқунларға тән җазаси беришни ақлиған болсиму, әмма мәһбусларни харлаш қилмишиниң шу җайдики җәмийәт кәйпиятида узун мәзгиллик сәлбий тәсир яратқанлиқи шүбһисиз," дәп көрсәткән.

Кишилик һоқуқни көзүтүш тәшкилати, хитай, мисир, русийә, һиндонезийә, иран, ирақ, түркийә, уганда қатарлиқларни мәһбусларға тән җазаси бериватқан дөләтләр, дәп тилға алди. Кишилик һоқуқни көзүтүш тәшкилатиниң тәкитлишичә, хитайда мәһбусларға тән җазаси бериш уйғур аптоном райони билән тибәт районида әң еғир болуп, " хитай әдлийә системисида тән җазаси бериш омумийүзлүк йолға қоюлмақта," дәп тәкитлигән.

Алдинқи күни америка дөләт мәҗлиси мәшһур кишилик һоқуқ паалийәтчиси рабийә қадир үчүн өткүзгән гуваһлиқ бериш йиғинида, хәлқара кәчүрүм тәшкилатидики т. Кумар сөз қилип, хитай һөкүмитиниң уйғур мәһбусларға кәң көләмдә тән җазаси бериватқанлиқини тәнқидлигән иди. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт