Kishilik hoquqni közütüsh teshkilati xitay qatarliq döletlerni eyiplidi


2005.04.29

Merkizi nyu - yorktiki xelq'ara kechürüm teshkilati mehbuslargha ten jazasi bérish mesilisi boyiche doklat élan qilip, 2004 we 2005 - yillirida xitay, misir, iran, rusiye, türkiye qatarliq döletlerde mehbuslargha ten jazasi bérish qilmishining dawamliq yüz bergenlikini tenqid qildi.

Kishilik hoquqni közütüsh teshkilatining doklatida, " gerche bezi hökümetler térorchiliqqa qarshi turushni bahane qilip mehbuslar yaki tutqunlargha ten jazasi bérishni aqlighan bolsimu, emma mehbuslarni xarlash qilmishining shu jaydiki jem'iyet keypiyatida uzun mezgillik selbiy tesir yaratqanliqi shübhisiz," dep körsetken.

Kishilik hoquqni közütüsh teshkilati, xitay, misir, rusiye, hindonéziye, iran, iraq, türkiye, uganda qatarliqlarni mehbuslargha ten jazasi bériwatqan döletler, dep tilgha aldi. Kishilik hoquqni közütüsh teshkilatining tekitlishiche, xitayda mehbuslargha ten jazasi bérish Uyghur aptonom rayoni bilen tibet rayonida eng éghir bolup, " xitay edliye sistémisida ten jazasi bérish omumiyüzlük yolgha qoyulmaqta," dep tekitligen.

Aldinqi küni amérika dölet mejlisi meshhur kishilik hoquq pa'aliyetchisi rabiye qadir üchün ötküzgen guwahliq bérish yighinida, xelq'ara kechürüm teshkilatidiki t. Kumar söz qilip, xitay hökümitining Uyghur mehbuslargha keng kölemde ten jazasi bériwatqanliqini tenqidligen idi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.