Нәим сулайман хитайни түрк тәнтәрбийичиләргә "қилтақ" қуюш билән әйиблиди


2005-09-23
Share

Түркийиниң дуняға мәшһур еғирлиқ көтүрүш чемпийони нәим сулайман, түркийилик тәнтәрбийичиләрниң хәлқара еғирлиқ көтүрүш федератсийиси тәрипидин тохтитип қоюлғанлиқини " хитайниң қилтиғи," дәп әйиблиди.

Нәим сулайланниң тәкитлишичә, хәлқара еғирлиқ көтүрүш федератсийисиниң рәһбәрлик қатлимидики 6 кишиниң төти хитай, тайланд, канада вә корийиликләр болуп, у, хитай түркийилик чимпийонларни тохтитип қоюш вәқәсидә хәлқара федератсийидики дөләтләр билән тил бириктүрди, дәп әйиплигән.

Хәлқара еғирлиқ көтүрүш федератсийиси йеқинда түркийилик чимпийонлардин хәлил мутлу, аял чимпийонлардин танәр сағир, рейһан арабачи, садәт артучларниң " роһландуруш дориси" ишләткән болуш мүмкинчилики сәвәбидин уларниң 11 - айда қатарда өткүзүлидиған еғирлиқ көтүрүш түри бойичә дуня чинпийонлиқи мусабиқисиға қатнишишини тохтитип қойған.

Түркийидә чиқидиған "тәрҗиман гезити" ниң хәвәр қилишичә, нәим сулайман "хитайниң еғирлиқ көтүрүш түридики бирдин бир рәқиби түркийә. Бейҗиңда өткүзүлидиған олимпик йиғинида ғәлибә қилалайдиған түрләрдики рәқибимиз хитайлар, дәйду. Униң әскәртишичә, хитай бейҗиң олимпик йиғинида түркийиниң еғирлиқ көтүрүш түридики чимпийонлиқини тартивелиш үчүн, түркийә тәнтәрбийичилириниң йолини тосимақтикән. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт