Ne'im sulayman xitayni türk tenterbiyichilerge "qiltaq" quyush bilen eyiblidi


2005.09.23

Türkiyining dunyagha meshhur éghirliq kötürüsh chémpiyoni ne'im sulayman, türkiyilik tenterbiyichilerning xelq'ara éghirliq kötürüsh fédératsiyisi teripidin toxtitip qoyulghanliqini " xitayning qiltighi," dep eyiblidi.

Ne'im sulaylanning tekitlishiche, xelq'ara éghirliq kötürüsh fédératsiyisining rehberlik qatlimidiki 6 kishining töti xitay, tayland, kanada we koriyilikler bolup, u, xitay türkiyilik chimpiyonlarni toxtitip qoyush weqeside xelq'ara fédératsiyidiki döletler bilen til biriktürdi, dep eyipligen.

Xelq'ara éghirliq kötürüsh fédératsiyisi yéqinda türkiyilik chimpiyonlardin xelil mutlu, ayal chimpiyonlardin taner saghir, réyhan arabachi, sadet artuchlarning " rohlandurush dorisi" ishletken bolush mümkinchiliki sewebidin ularning 11 - ayda qatarda ötküzülidighan éghirliq kötürüsh türi boyiche dunya chinpiyonliqi musabiqisigha qatnishishini toxtitip qoyghan.

Türkiyide chiqidighan "terjiman géziti" ning xewer qilishiche, ne'im sulayman "xitayning éghirliq kötürüsh türidiki birdin bir reqibi türkiye. Béyjingda ötküzülidighan olimpik yighinida ghelibe qilalaydighan türlerdiki reqibimiz xitaylar, deydu. Uning eskertishiche, xitay béyjing olimpik yighinida türkiyining éghirliq kötürüsh türidiki chimpiyonliqini tartiwélish üchün, türkiye tenterbiyichilirining yolini tosimaqtiken. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.