Xelq'ara jemiyet rusiyini eyiblidi


2006.01.02
Share on WhatsApp
Share on WhatsApp

Yekshenbe küni rusiyining ukra'iniyige béridighan tebi'iy gazni resmi qisqartqanliqini élan qilghandin kéyin, bu peqet ukra'iniye xelqiningla emes, belki xelq'ara jemiyetningmu naraziliqini qozghighan.

Réytérs agéntliqining uchuridin qarighanda, amérika hökümiti rusiyining mezkur gazni késiwétish qilmishining emeliyette énérgiyini siyasiy qoral qilip ishlitishtin ibaret ikenlikini körsitip, washin'gtonning moskwaning ukra'iniyige qaratqan bu herikitidin epsuslan'ghanliqini shuningdek rusiye bilen ukra'iniyining mesilige nisbeten ortaq kélishim layihisi hasil qilishigha tilekdash ikenlikini bildürgen.

Rusiye yawropani gaz bilen teminleshtiki muhim dölet bolup, yawropagha yetküzülidighan tebi'iy gazning 25 % rusiyidin kélidu shuningdek ukra'iniye arqiliq toshilidu. Shunga rusiyining bu herikiti biwaste yawropaning énérgiye mesilisigimu tesir körsitishi tebi'iy. Ukra'in rehbiri wiktor yushénko rusiye bilen ukra'iniye arisidiki gaz mesilisining emeliyette ukra'iniyining musteqilliqi bilen munasiwetlik mesile ikenlikini, ukra'iniyining rusiyige hergiz bash egmeydighanliqini bildürgen. (Ümidwar)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.