Дуня мәтбуатчилар җәмийити хитай даирилирини әйиблиди


2006-02-02
Share

Хитайниң фуҗйән өлкисидики бир сот мәһкимиси фуҗйәнлик мухбир ли чаңчиңға 3 йиллиқ қамақ җазаси бәргәндин кейин, мәркизи париждики дуня мәтбуатчилар җәмийити вә дуня тәһрирләр җәмийити пәйшәнбә күни баянат елан қилип, хитай даирилириниң һәрикитини әйиблиди.

Фуҗйәнлик мухбир ли чаңчиң фуҗувдики хитай әмәлдарлириниң хиянәтчиликигә даир мақалә язғандин кейин, хитай даирилири уни " кишиләрни дәккә - дүккигә салидиған учурлар тарқитиш" билән әйибләп қолға алған иди. Чегрисиз мухбирларни қоғдаш тәшкилати бу әйибләшни " қорқунчлуқ бөһтан " дәп атиған иди. Дуня мәтбуатчилар җәмийити билән тәһрирләр җәмийити җуңго учур игилики министирлиқиға язған хетидә, хитай даирилирини ли чаңчиңни кишиләрни дәккә - дүккигә салидиған ялған террорлуқ учурлар" ни тарқитиш җинайити билән әйибләп 3 йиллиқ қамақ җазасиға һөкүм қилғанлиқини тәнқидлиди.

Мәркизи ню - йорктики мухбирлар ни қоғдаш тәшкилати шу күни баянат елан қилип, хитай даирилиридин ли чаңчиңни дәрһал қоюп беришни тәләп қилған. Бир мухбирға кишиләрни дәккә - дүккигә салидиған хәвәрләрни тарқитиш җинайити билән әйибләп һөкүм елан қилиш, дуняда аз учрайдиған әһвал. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт