Dunya metbu'atchilar jem'iyiti xitay da'irilirini eyiblidi

Xitayning fujyen ölkisidiki bir sot mehkimisi fujyenlik muxbir li changchinggha 3 yilliq qamaq jazasi bergendin kéyin, merkizi parizhdiki dunya metbu'atchilar jem'iyiti we dunya tehrirler jem'iyiti peyshenbe küni bayanat élan qilip, xitay da'irilirining herikitini eyiblidi.

Fujyenlik muxbir li changching fujuwdiki xitay emeldarlirining xiyanetchilikige da'ir maqale yazghandin kéyin, xitay da'iriliri uni " kishilerni dekke - dükkige salidighan uchurlar tarqitish" bilen eyiblep qolgha alghan idi. Chégrisiz muxbirlarni qoghdash teshkilati bu eyibleshni " qorqunchluq böhtan " dep atighan idi. Dunya metbu'atchilar jem'iyiti bilen tehrirler jem'iyiti junggo uchur igiliki ministirliqigha yazghan xétide, xitay da'irilirini li changchingni kishilerni dekke - dükkige salidighan yalghan térrorluq uchurlar" ni tarqitish jinayiti bilen eyiblep 3 yilliq qamaq jazasigha höküm qilghanliqini tenqidlidi.

Merkizi nyu - yorktiki muxbirlar ni qoghdash teshkilati shu küni bayanat élan qilip, xitay da'iriliridin li changchingni derhal qoyup bérishni telep qilghan. Bir muxbirgha kishilerni dekke - dükkige salidighan xewerlerni tarqitish jinayiti bilen eyiblep höküm élan qilish, dunyada az uchraydighan ehwal. (Erkin)