Азәрбәйҗан б д т дин нагарно-қарабағ мәсилисини музакирә қилишни тәләп қилди


2008.02.27
Share on WhatsApp
Share on WhatsApp

Косова мустәқиллиқ елан қилғандин кейин, нагорно-қарабағ мәсилиси қайтидин көтүрүп чиқилмақта. Америка авазиниң баян қилишичә, азәрбәйҗан йеқинда б д т ға нагорно-қарабағ мәсилиси һәққидә қарар лайиһиси йоллап, буни бу йил 9 ‏- айда ечилидиған б д т йиғинида музакирә қилип, һазир әрминийә контрол қилип туруватқан нагорно-қарабағ районини әзәрбәйҗанниң земини дәп етирап қилишни тәләп қилди.

Хәвәрдә баян қилинишичә, русийә сиясәтшунаси сарин әпәнди нагарно-қарабағ мәсилиси район характерлик тоқунуш, уни косова мәсилиси билән охшаш мәсилә дәп қарашқа болмайду, дәп мулаһизә қилған.

Хәвәрдә баян қилинишичә, совет иттипақи дәвридә, нагарно -қарабағ райони ислам динидики әзәрбәйҗанниң бир аптоном области иди. Әмма униңдики нопусниң көп санлиқини ортадокис диниға етиқад қилидиған әрминийиликләр тәшкил қилатти. 1988 ‏- Йили сабиқ совет иттипақи гумран болуш алдида турғанда, бу райондиму тоқунуш йүз бәргән иди. 1991

‏- Йили бу районда пүтүн хәлқ аваз бәргәндә, нагарно-қарабағ райониниң азәрбәйҗандин айрип мустәқил болушини қувәтләйдиғанлар көп санлиқни игилиди. Шуниңдин кейинла азәрбәйҗан билән әрминийә оттурисида кәң көләмлик һәрбий тоқунуш йүз бәрди. Тоқунушта әрминийә йеңип чиқип, нагорно-қарабағ райони вә униң әтрапидики җайлардин болуп җәми 7 җайни контрол қилди.

Шу қетимқи тоқунушта 25 миң адәм һаятидин айрилди, тәхминән 10 миң әзәрбәйҗанлиқ мусапир болди. 1994 ‏- Йили икки тәрәп уруш тохтитиш келишими имзалиди. Һазир азәрбәйҗан ғәрб әллирини яқлайду, натоға әза болуп киришни арзу қилиду, әмма косованиң мустәқиллиқини қоллимайду. Әрминийә болса косованиң мустәқиллиқини қоллайду, әмма русийиниң иттипақдиши болушни вә русийиниң әскәр турғузушини давамлаштуриду. (Вәли)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.