Xitay, falun'gung herikitining insan organizimi tijariti heqqidiki bayanlirini ret qildi

Xitay hökümiti seyshenbe küni türmide öltürülgen falun'gung muritlirining ichki organizimini sétish sodisigha arilashqanliqini we bu sodini qollighanliqini ret qildi. Lékin ölüm jazasi ijra qilin'ghan mehbuslarning ichki organizimini köchürüsh weqeliri "bir qanche dilo" bilen cheklinidighanliqini eskertti.

Falun'gongning amérikida neshr qilinidighan "yéngi éra géziti ," shinyang shehiridiki sujyatun emgek bilen özgertish lagirigha 6000 neper falun'gung muritining qamalghanliqini we bu lagirdiki nurghun kishilerning öltürülgendin kéyin ichki organizimi chiqiriwélinip jesidi buzghunchiliqqa uchrighanliqini ilgiri sürgen.

Falun'gung teriqiti 90 - yillarda xitay boyiche moda éqimgha aylan'ghan bolsimu, lékin béyjing hökümiti 1999- yili bu teriqetni xurapiy mezhep, dep chekligendin kéyin xitay boyiche basturulush obiktigha aylandi. B d t kishilik hoquq kéngishining ten jazasini tekshürüsh boyiche aliy derijilik nazaretchisi manfrid nowakning yéqinda élan qilghan doklatida eskertishiche, falun'gung muritliri Uyghur, tibet qatarliq milletler qatarida xitay edliye da'irilirining ten jazasi bilen qiynaydighan obiktilirining biri bolup qalghan.

Lékin, chin gang falun'gungning bu bayanlirini "jawab bérishke erzimeydighan bimene yalghanchiliq we héchkim buninggha ishenmeydu " dédi. Xitayda her yili ölüm jazasi ijra qilinidighan mehbuslar sani, dunya boyiche ölüm jazasigha höküm qilin'ghan kishilerning omumi sanidin nechche hesse köp, dep qaralmaqta. Xitay mutexessislirining perez qilishiche, xitayda her yili ölüm jazasi bérilip ijra qilinidighan kishiler 10 minggha yétishi mümkin. Emma kishilik hoquq teshkilatliri bu sanning 15 minggha yétidighanliqini perez qilishmaqta. (Erkin)