Amérika xitayni "sujyatun weqesi" üstidin tekshürüsh élip bérishqa chaqirdi

Falun'gung teriqiti xitay da'irilirini shinyangning "sujyatun emgek bilen özgertish lagiri"da falunggung muritlirini öltürüsh we ichki ezalirini sétish bilen eyibligendin kéyin, amérika tashqiy ishlar ministirliqi xitay hökümitini weqe östidin tekshürüsh élip bérishqa chaqirdi.

Amérika tashqiy ishlar ministirliqi bayanatchisi asdam ereliy ötken jüme küni axbarat élan qilish yighinida, gerche junggo hökümiti bu eyibleshlerni ret qilghan bolsimu, lékin amérika terep weqe üstidin ilgirilep tekshürüsh élip bérishni paydiliq, dep qaraydu, dédi. Ereliyning eskertishiche, amérika bu xil uchurgha nahayiti jiddiy mu'amile qilidiken. U, hazirghiche bu weqe téxi ispatlanmighan bolsimu, lékin amérikining bu weqe toghrisida junggo terep bilen uchrashqanliqini bildürdi.

Falunggung teriqiti yéqinda sujyatundiki emgek bilen özgertish lagirigha 6000 neper falun'gung muritining qamalghanliqini we türme bashqurghuchiliri ölgen falun'gung muritlirining ichki ezalirini chiqiriwalghandin kéyin köydürüwetkenlikini ilgiri sürgen. Emma xitay tashqiy ishlarministirliqi bayanatchisi chin gang, falunggung muritlirining bu eyiblishini " xalighanche toqup chiqilghan yalghanchiliq " dep ret qildi. (Erkin)