ئامېرىكا خەلقى سابىق پرېزىدېنت فوردقا ماتەم تۇتتى


2006.12.31
Share on WhatsApp
Share on WhatsApp

مىليونلىغان ئامېرىكا خەلقى سابىق ئامېرىكا پرېزىدېنتى گېرالد فوردقا ماتەم تۇتتى، ئامېرىكا دۆلەت مەجلىسى بىناسىدا شەنبە كۈنى دۆلەتلىك ماتەم بىلدۈرۈش مۇراسىمى ئۆتكۈزۈلدى. ئامېرىكا ئاۋازى رادىئوسىنىڭ ئۇچۇرىدىن قارىغاندا، سابىق پرېزىدېنتىنىڭ دۆلەت بايرىقى يېپىلغان جەسىتى دۆلەت مەجلىس بىناسىنىڭ چوڭ زالىدا سەيشەنبە كۈنىگىچە قويۇلىدىكەن. ئۇنىڭدىن كېيىن دۆلەتلىك چوڭ چېركاۋغا ئېلىپ بېرىلىپ، ماتەم مۇراسىم ئۆتكۈزۈلگەندىن كېيىن چارشەنبە كۈنى مىچىغان شىتاتىدىكى ئۆز يۇرتىغا ئېلىپ بېرىلىپ دەپنە قىلىنىدىكەن.

پرېزىدېنت بۇش سەيشەنبە كۈنى پۈتۈن مەملىكەت بويىچە ماتەم بىلدۈرۈش كۈنى قىلىپ بېكىتكەن.

سابىق پرېزىدېنت فورد ئۆتكەن سەيشەنبە كۈنى كالىفورنىيىدە ۋاپات بولغان بولۇپ، بۇ يىل 93 ياشقا كىرگەن ئىدى. ئۇ، 70-يىللاردا ۋېتنام ئۇرۇشىنى توختىتىش بىلەن ئامېرىكا ۋە خەلقئارادا زور شۆھرەت قازانغان. فورد ئامېرىكا تارىخىدىكى ئەڭ ئۇزۇن ئۆمۈر كۆرگەن پرېزىدېنتلارنىڭ بىرى ھېسابلىنىدىكەن. (ئۈمىدۋار)

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.