Amérikining sabiq prézidénti fordning ish izliri xatirilendi


2007.01.03

Bügünki amérika gézitining xewer qilishiche, 1 ‏- ayning 2 ‏- küni washin'gtonda, amérikining sabiq prézidénti gérald ford ependi üchün matem murasimi ötküzülgendin kéyin, uning jesiti öz yurti bolghan mishigin shtatigha élip bérilip, özining prézidént muziyidiki shexsiy qebrigahigha depne qilindi. 93 Yéshida alemdin ötken amérikining 38 ‏- qétimliq prézidénti gérald ford ependini xatirilesh pa'aliyitige hazirqi amérika prézidénti jorji bush we hayat sabiq prézidéntlerdin kartér, bush, klintonlarni öz ichige alghan 3000 din artuq adem qatnashti.

Kemter, addi -sadda, rastchil peziletlik ford ependi gerche aran ikki yérim yil wezipe ötigen bolsimu, emma u qisqighina waqit ichide sowét ittipaqi bilen urush qorallirini kontrol qilish, kishilik hoquq kélishimliri tüzüp soghuqchiliq urushini axirlashturushta we jenubiy afriqida köp sanliqni teshkil qilidighan qara tenliklerning siyasiy ornini eslige keltürüshte özining baturliqini we eqil parasitini namayan qilghan idi. U dölet ichide sabiq prézidént niksonning siyasiy heweslirini eyibleshni kechürüm qilghanliqi sewebidin, 1976 ‏- yilidiki saylamda démokratlar teripidin meghlup qilin'ghan bolsimu, emma bu qétim uning eyni waqitta dölet ichidiki ziddiyetlerni hel qilghan bu meshhur töhpisi alahide xatirilendi. (Weli)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.