Fransiye prizidénti xitayni ziyaret qilidu


2004.10.03
Share on WhatsApp
Share on WhatsApp

Pat arida xitayni ziyaret qilidighan fransiye prizidénti jak shirak, béyjing da'irilirige kishilik hoquq mesilisini eskertidu. Biraq uning bu mesilini béyjing da'irilirige ihtiyatchanliq bilen yetküzidighanliqi ilgiri sürülmekte. Fransiye axbarat agéntliqi shirakning yardemchiliridin neqil keltürüshiche, fransiye prizidéntining xitaydiki ziyariti aldimizdiki heptide bashlinidu. U kona aditi boyi bu qétimmu xitay da'irilirige kishilik hoquqni xatirilitishi mümkin. Xitay tashqi ishlar ministirligi ötken heptining bashliri fransiye prizidéntining 8 - öktebirdin 12 - öktebirgiche xitayni ziyaret qilidighanliqini élan qilghan. U xitaydiki jeriyanida fransiye mediniyet yili pa'aliyitining échilish murasimigha ishtirak qilidu. Shirakning xitaydiki ziyariti uning asiyadiki 3 dölette élip baridighan ziyaritining axirqi békiti.

U xitaygha kélishtin burun sin'gapor bilen wéytnamni ziyaret qilidu. Fransiye axbarat agéntliqining bildürüshiche, shirak béyjing da'irilirige yawropa ittipaqi teyyarlighan xitay türmisidiki bezi öktichilerning tizimlikini tapshurup, ularning qoyup bérilishini telep qilishi mümkin. Xelq'ara kechürüm teshkilati bu yilning bashliri élan qilghan kishilik hoquq doklatida, xitayning kishilik hoquq weziyitide hichqandaq özgürüsh bolmighanliqini, eksinche Uyghurlarning kishilik hoquq weziyiti téximu yamanlashqanliqini ilgiri sürgen. Jak shirakning tizimlikide ataghliq kishilik hoquq pa'aliyetchisi rabiye qadirning ismi bar yoqlighi téxi melum emes, amma norwégiyediki rafto fondi jemiyiti yéqinda bu yilliq rafto mukapatining rabiye qadirgha bérilgenlikini élan qilghan idi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.