Франсийә енгис ширкити уйғур елидә ширкәт қурди


2007-05-24
Share

Дуня буйичә әң чоң ғәйрий рәңлик метал канчилиқ ширкәтлириниң бири һесабланған франсийә енгис ширкити, 23 ‏- май күни уйғур елидә , енгис шинлуң вермикулит шинҗаң чәклик ширкити вә енгис йилуң андалузит шинҗаң чәклик ширкитини қурди.

Хитай ахбарат вастилириниң мәлуматлиридин ашкарилинишичә, уйғур елиниң байинғулин моңғул аптоном областидики отқа чидамлиқ материял һесаблинидиған вермикулит вә андалузит записи хитай буйичә 1 ‏- орунда болуп, бу хил байлиқ әвзәллики чәтәл капиталини өзигә алаһидә җәлп қилған. Шуңа енгис ширкити, кәлгүси 3 йил ичидә зор мәбләғ селип, енгис шинлуң вермикулит чәклик ширкити билән енгис йилуң андалузит чәклик ширкитини дуня буйичә әң чоң вемикулит вә андалузит пишшиқлап ишләш базисиға айландурушни пилан қилған.

Хитай даирилири, уйғур елиниң әвзәл байлиқлиридин пайдилиниш үчүн, чәтәл капиталлирини бу земинға көпләп мәбләғ селишқа қизиқтурмақта . Улар бир тәрәптин чәтәлликләргә уйғур елиниң тенч вә бихәтәр икәнликини тәшвиқ қилса , йәнә бир тәрәптин уйғурларниң кишилик һоқуқ паалийәтлирини хәлқараға террорчилиқ һәрикәт қилип көрситип, уларға тақабил туруш үчүн җиддий һәрикәтләр елип бериватқанлиқини билдүрмәктә.

Йеқинда уйғур аптоном районлуқ җамаәт хәвпсизлик органлири, чегра атлиған террорлуқ һәркәтлиригә зәрбә бериш дегән нам билән " оттура асия сақчи ишлири һәмкарлиқ мәркизи" ни уйғур елиниң мичүән шәһиридә қурди.(Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт